Anwar Masood
jis tarah ki hain ye divarein ye dar jaisa bhi hai
sar chipane ko mayasar to hai ghar jaisa bhi hai
us ko mujh se mujh ko us se nisbatein hain beshumaar
meri chahat ka hai mahvar ye nagar jaisaa bhi hai
chal para hooN shauq-e-beparvaah ko murshad maan kar
rastaa pur-pech hai yaa pur-Khatar jaisaa bhi hai
sab gavara hai thakan saari dukhan saari chubhan
ek Khushbo ke liye hai ye safar jaisa bhi hai
vo to hai maKhsoos ik teri mohabbat ke liye
tera 'Anwar' baa-hunar yaa be-hunar jaisa bhi hai
|
"IKHTIYAR(IQTIDAR)"
"TAQAT" AUR "DOLAT" MILNEY K BAD LOG "BADALTAY" NAHI HAIN........ "BENAQAB HO JATEY HAIN" [HAZRAT ALI A.S] |
